छत्तीसगढ़ के सबले पहिली सीवरेज ट्रीटमेंट प्लांट के होइस लोकार्पण, मुख्यमंत्री ह इंद्रावती नदी के पूजा-अर्चना करके मांगिस प्रदेस के खुशहाली

अंजोर.रायपुर, 25 जनवरी। बस्तर संभाग के मुख्यालय जगदलपुर के तिर म बालीकोंटा म लगभग 54 करोड़ रूपिया के लागत ले बने प्रदेस के पहिली सीवरेज ट्रीटमेंट प्लांट के लोकार्पण मुख्यमंत्री श्री भूपेश बघेल ह विधिवत पूजा करके करिन। ए मउका म ओमन इंद्रावती नदी के आरती अउ पूजा-अर्चना करके प्रदेस के खुसयाली अउ समृद्धि के कामना करिस। मुख्यमंत्री ह नदी अउ आन जलस्त्रोत के स्वच्छता ल गजब जरूरी बतात प्रदेस के सबले पहिली सीवरेज ट्रीटमेंट प्लांट ल बनाये के खातिर बस्तर जिला प्रशासन अउ महापौर श्रीमती सफीरा साहू के अगुवई म जगदलपुर नगर निगम डहर ले करे गे बुता के सराहना करिस। 

मुख्यमंत्री ह ए मउका म सीवरेज ट्रीटमेंट प्लांट के अवलोकन करके तकनीकी जानकारी तको लिस। ए सीवरेज ट्रीटमेंट प्लांट के बनाये म प्रयुक्त तकनीकी के संबंध म जानकारी देत होए कलेक्टर रजत बंसल ह बताइन के बालीकोंटा म अमृत मिशन योजनातंर्गत 25 एमएलडी क्षमता के सीवरेज ट्रीटमेंट प्लांट के बनाये गे हावय। संभागीय मुख्यालय जगदलपुर म लगभग 180 लाख लीटर प्रदूषित पानी रोज दलपत सागर अउ इंद्रावती नदी म जाके मिलत हावय। ए पानी म मौजूद बैक्टीरिया, टर्बिडिटी अउ बढ़े होए पीएच मान के सेती ये पानी दलपत सागर अउ इंद्रावती नदी के पानी के प्रदूषित कर देत रिहिस। शहर के ए गंदे पानी के शुद्धिकरण के खातिर लगभग 10 किलोमीटर लंबे पाईपलाइन के माध्यम ले एला बालीकोंटा पहुंचाया जात हावय, जिहां बने प्लांट म तीन चरण म ए पानी के शुद्धिकरण के बाद एला इंद्रावती नदी म छोड़े जाही। 

अमृत मिशन योजना के तहत बने ए सीवरेज ट्रीटमेंट प्लांट ले रोज 250 लाख लीटर पानी के साफ करे जात सकत हावय। शुद्धिकरण के बाद ए पानी के वापस इंद्रावती नदी म छोड़े म नदी के जलस्तर म आत कमी के समस्या ले तको निजात मिलही। दलपत सागर के 3 नाले, महादेव घाट म 1 नाला, केन्द्र बन्दीगृह के पाछु 2 नाले, पावर हाऊस म 1 नाला, इंटेक वैल के पास 1 नाला अउ लक्ष्मी नारायण मंदिर राजा कब्रगाह के पास 2 नाला ले ये पानी इंद्रावती नदी अउ दलपत सागर के पानी म मिलत हावयं। ये 10 नाल ल एक संग जोड़के आर.सी.सी. पाइप डहर ले बालीकोंटा सीवरेज ट्रीटमेंट प्लांट म मेन पम्पींग स्टेशन म लाये जाही।