गणतंत्र दिवस म मुख्यमंत्री के सौगात : शहरी स्लम स्वास्थ्य योजना के विस्तार सबो नगरीय निकाय म, सरकारी कर्मचारी मन बर सप्ताह म 5 दिन बुता प्रणाली, मजदूर परिवार के बेटी खातिर मुख्यमंत्री नोनी सशक्तीकरण मदद योजना, हर विकासखंड म आईटीआई खोले जाही

अंजोर.रायपुर. 26 जनवरी। मुख्यमंत्री दाऊ भूपेश बघेल ह गणतंत्र दिवस के मउका म प्रदेसवासी ल केऊ नवा सौगात दीस। ओमन बस्तर जिला मुख्यालय जगदलपुर म ध्वजारोहण के बाद प्रदेस के जनता के नाम अपन संदेश के बखत कई नवा घोषणा करिस। ओमन अनियमित भवन बनाये के नियमितीकरण के खातिर इही साल एक व्यवहारिक, सरल अउ पारदर्शी कानून बनाये के घोसना करिस। ओमन रिहायशी क्षेत्र म संचालित व्यवसायिक गतिविधी के नियमितीकरण के खातिर तको जरूरी प्रावधान करे जाये के घोसना करिस जेकर ले हजारों व्यवसाई आत्मविश्वास के संग अपन व्यवसाय संचालित कर सकें।

मुख्यमंत्री बघेल ह अपन गणतंत्र दिवस भाषण म प्रदेस म नगर निगम ले बाहिर के अइसे क्षेत्र जेन निवेश क्षेत्र म सामिल हावयं, उहां 500 वर्गमीटर तक के भवन विन्यास बिना कोनो मानवीय हस्तक्षेप के तय समय-सीमा म जारी करे जाये के घोसना करिस। ओमन बताइन के नगर निगम म 500 वर्गमीटर तक के भवन म मानवीय हस्तक्षेप के बिना ‘डायरेक्ट भवन अनुज्ञा प्रणाली’ सुरू कर दे गे हावय। ओमन नगरीय-निकाय म नल कनेक्शन मिले करे के प्रक्रिया के ‘डायरेक्ट भवन अनुज्ञा’ के तर्ज म मानवीय हस्तक्षेप मुक्त बना करके समय-सीमा म नल कनेक्शन दे जाये के तको घोसना करिस। मुख्यमंत्री ह ग्रामीण क्षेत्र म तको सरकारी पट्टा के भूमी के फोकट म होल्ड करे जाये के ऐलान करिन। 

मुख्यमंत्री ह आन पिछड़ा वर्ग के लोगन म उद्यमिता ल बढ़ावा दे के खातिर औद्योगिक नीति म संशोधन करके ए प्रवर्ग के खातिर दस परतिसत भू-खण्ड आरक्षित करे जाये के घोसना करिस। ये भू-खंड भू-प्रीमियम दर के दस परतिसत दर अउ एक परतिसत भू-भाटक म उपलब्ध कराइन। ओमन मुख्यमंत्री शहरी स्लम स्वास्थ्य योजना के सफलता ल देखत होए येकर विस्तार प्रदेस के सबो नगरीय निकाय म करे जाये के घोसना करिस। श्री बघेल ह युवा मन के सहूलियत के खातिर लर्निंग लाइसेंस बनाये के प्रकिया के सरलीकरण करे जाये के ऐलान करिन। येकर खातिर वृहद स्तर म ‘परिवहन सुविधा केंद्र’ सुरू करे जाही। ये केन्द्र ल न केवल लर्निंग लाइसेंस बनाये बर अधिकृत करिन जाही बल्कि ये केन्द्र म परिवहन विभाग ले संबंधित सबो सेवा नागरिक के अपन निवास के पास मिल सकही अउ प्रदेस के युवा मन के रोजगार के मउका मिलही।

मुख्यमंत्री बघेल ह सरकारी कर्मी के हित म तको दू घोषणा करिस। कर्मचारी मन के अंशदायी पेंशन योजना ले राज्य सरकार के अंशदान 10 परतिसत ले बढ़ाके 14 परतिसत करिन। ओमन कर्मचारी मन के बुता क्षमता अउ उत्पादकता बढ़ाये के खातिर 5 बुता दिन प्रति सप्ताह प्रणाली म बुता करे के ऐलान करिन। मुख्यमंत्री ह महिला मन के सुरक्षा के प्रति प्रतिबद्धता दोहरात हर जिला म ‘महिला सुरक्षा प्रकोष्ठ’ के गठन करे घोसना करिस। ओमन तीरंदाजी के प्रोत्साहित करे के खातिर जगदलपुर म ‘शहीद गुंडाधूर’ के नाम म राज्य स्तरीय तीरंदाजी अकादमी सुरू करे के तको घोसना करिस।

मुख्यमंत्री ह पेड़ कटाई के नियम के जटिलता अउ येकर सेती वृक्षारोपण म नागरिक के अरूचि ल देखत नागरिक के हित म येकर ले जुड़े कानून के सरलीकरण के ऐलान करिन। ओमन किहिन के येकर खातिर सबो प्रासंगिक अधिनियम अउ नियम म जरूरी संशोधन करे जाही। ओमन अवइया खरीफ साल 2022-23 ले दलहन फसल जइसे मूंग, उड़द, अरहर उक के तको खरीदी न्यूनतम समर्थन कीमत म करे जाये के घोसना करिस। ओमन मजदूर परिवार के बेटी के शिक्षा, रोजगार, स्वरोजगार अउ बिहाव म मदद के खातिर ‘मुख्यमंत्री नोनी सशक्तीकरण मदद योजना’ सुरू करे जाये के ऐलान करिन। ए योजना के तहत ‘छत्तीसगढ़ भवन अउ आन सन्निर्माण कर्मकार कल्याण मण्डल’ म पंजीकृत हितग्राही मन के पहिली दू बेटी के बैंक खाता म 20-20 हजार रूपिया के रकम के भुगतान एकमुश्त करे जाही। मुख्यमंत्री ह येकर संग ही सबो जिला मुख्यालय अउ विकासखण्ड स्तर म ‘मुख्यमंत्री मजदूर संसाधन केन्द्र’ अउ सबोच विकासखंड म आईटीआई खोले जाये के तको घोसना करिस।