मुख्यमंत्री भूपेश बघेल प्रदेसवासी मनला लोक परब छेरछेरा के दीस बधाई

अंजोर.रायपुर, 16 जनवरी। मुख्यमंत्री दाऊ भूपेश बघेल ह प्रदेसवासी के छत्तीसगढ़ के परसिध लोक परब छेरछेरा के बधाई अउ सुभकामना दीस हावय। ए मउका म ओमन सबके सुख, समृद्धि अउ खुसयाली के कामना करे हावय। श्री बघेल ह छेरछेरा परब के पहिली संझा म जारी अपन शुभकामना संदेश म किहिन हावय के नवा फसल ल घर आने के खुशी म पूस मास के पूर्णिमा के छेरछेरा पुन्नी तिहार मनाये जात हावय। इही दिन मां शाकम्भरी जयंती तको मनाये जात हावय। पौराणिक मान्यता के मुताबिक ए दिन भगवान शंकर ह महतारी अन्नपूर्णा ले भिक्षा मांगे रिहिस, इही सेती लोगन धान के संग साग-भाजी, फल के दान करत हावयं।