पंचायत अउ ग्रामीण विकास मंत्री टी.एस. सिंहदेव ह ई-पंचायत वेब पोर्टल के करिन शुभारंभ

अंजोर.रायपुर. 15 जनवरी। पंचायत अउ ग्रामीण विकास मंत्री टी.एस. सिंहदेव ह पंचायत विभाग डहर ले तइयार करे  गे ई-पंचायत छत्तीसगढ़ वेब पोर्टल के शुभारंभ करिन। ये पोर्टल प्रमुख रूप ले चार मॉड्यूल म बुता करे के खातिर बनाये गे हावय। पोर्टल के शुभारंभ मउका म सिंहदेव ह वेब पोर्टल के तकनीकी पहलू के जानकारी लीस। संग ही पोर्टल म कुछ नवा जानकारी जोड़े ल लेके कई जरूरी सुझाव भी दिस। 

पोर्टल म गांव ले लेके सबोच परिवार के होही पूरा डाटा। विभागीय योजना मन के क्रियान्वयन, मॉनिटरिंग, मूल्यांकन अउ प्रशिक्षण म कारगर होही पोर्टल पंचायत अउ ग्रामीण विकास मंत्री सिंहदेव ह वेब पोर्टल के शुभारम्भ करत किहिन के ई-पंचायत छत्तीसगढ़ वेब पोर्टल निश्चित रूप ले प्रदेश के ई-गवर्नेंस के क्षेत्र म डिजिटली सशक्त बनाये म कारगर साबित होही। ओमन किहिन के येकर ले प्रदेश राजनैतिक-सामाजिक सशक्तीकरण के दिशा म आगू बाढ़ही। संग ही पंचायती राज के उद्देश्य ल भी पाये म मदद मिलही। श्री सिंहदेव ह ए पहल के खातिर विभागीय अधिकारी मन समेत सबो स्टेक होल्डर्स अउ प्रदेशवासी मन ल बधाई अउ शुभकामना दीस।