अंजोर.महादसुमंद,30 जनवरी। पुलिस ह अपन सेवा करम म सरलग लगे हावय। कोनो बखत अइसे तको आथे जब ओमन अपन जीव होम के समरपन ले बुता करथे। अऊ अइसन मनके सम्मान करथे पुलिस के बड़का साहेब। मिले आरो के मुताबिक अधीक्षक विवेक शुक्ला, अतिरिक्त पुलिस अधीक्षक श्रीमती मेघा टेम्भुरकर साहू, अनुविभागीय अधिकारी पुलिस बागबाहरा के पदउली म थाना तेन्दूकोना के अप.क्र. 04/22 धारा 363,366,376 भादवि अउ 4,6 पाक्सो एक्ट थाना कोमाखान के अप.क्र. 174/21 धारा 363,366,376 भादवि, 06 पाक्सो एक्ट के आरोपी ल दिगर राज्य ले गिरप्तार करके रिमांड म जेल भेजे गिस।
पुलिस अधीक्षक कोति ले अनुविभागीय अधिकारी मनके समीक्षा बैठक म ये बने बुता खातिर थाना तेन्दूकोना के प्र.आर. ललित चन्द्राकर, आर. विजय सोनी, म.आर. नीरा यादव अउ थाना कोमाखान के सउनि रनसाय मिरी, आर. संतोष सांवरा, म.आर. गायत्री सिंह ल प्रशस्ति पत्र अउ नगद पुरस्कार ले पुरस्कृत करत बधाई दीस अउ किहिन के अइसने बुता करत राहव।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।