राहुल गांधी 3 फरवरी के आही छत्तीसगढ़, राजीव गांधी भूमिहीन कृषि मजदूर न्याय योजना के पहली किस्त अउ गांधी सेवाग्राम के करही शिलान्यास

अंजोर.रायपुर,ए। छत्तीसगढ़ के जनता के नेवता म राहुल गांधी जी अवइया 3 फरवरी के प्रदेस म होही। ये मउका म ओमन प्रदेस सरकार के सुरू करे “राजीव गांधी भूमिहीन कृषि मजदूर न्याय योजना” के पहिली किस्त जारी करही अउ गांधी सेवाग्राम के शिलान्यास करही। 

मिले आरो के मुताबिक प्रदेस सरकार ह शहीद मनके वीर गाथा ल धरनाहा राखे के जबर उदीम करे जाही। देस खातिर लड़इया हमर पुरखा के सुरता ल उम्मर राखे खातिर गांधी सेवाग्राम के संग ही श्री गांधी 3 फरवरी के छत्तीसगढ़ म “अमर जवान ज्योति” के नींव तको रखही।