Balodabazar Police : गैतरा खार म जुआ खेलत 14 जुआडि़हा ल पकडि़स पुलिस, रूपिया अउ गाड़ी तको जप्त

अंजोर.बलोदाबाजार,ए। बलोदाबाजार के गांव गैतरा खार रमसगरा तरिया तिर के खेत म जुआ खेलत 14 आरोपी ल पुलिस गिरफ्तार करे हावय। मिले आरो के मुताबिक थाना गिधपुरी अउ साइबर सेल के पुलिस टीम कोति ले ये रेड कार्यवाही करे गिस। जेमा आरोपी मन तिर ले ताशपत्ती अउ 10,720 नगद जप्त करे गिस। येकर अलावा आरोपी मनके 09 मोबाइल अउ 06 मोटरसाइकिल भी जप्त करे गे हावय।