छत्तीसगढ़ के पढ़इया मनला यूक्रेन ले वापस लाने खातिर केंद्रीय विदेश मंत्री ले बात करिस मुख्यमंत्री

अंजोर.रायपुर, 26 फरवरी। मुख्यमंत्री भूपेश बघेल ह आज संझा एयरपोर्ट ले नवा दिल्ली के खातिर रवाना होए के पहिली मीडिया प्रतिनिधि मन ले गोठबात करत बखत बताइन के यूक्रेन म फंसे छत्तीसगढ़ के पढ़इया लइका ल वापस लाने खातिर काली ओमन केंद्रीय विदेश मंत्री ले बात करिस। केंद्रीय विदेश मंत्री ह बताइन के पढ़इया लइका ल यूक्रेन के पड़ोसी देश ले निकाल करके हवाई रद्दा ले वापस लाये जात हावय। छत्तीसगढ़ के लइका तको आत हावयं। मुख्यमंत्री ह किहिन के हम सबके चिंता हावय के लइका के जल्दी ले जल्दी वापसी हो।