 |
| Doctor Kaise Bane |
अंजोर.रायपुर, 13 फरवरी। प्रदेस के आदिवासी अंचल म पढ़ने वाला लइका ह अखिल भारतीय मेडिकल प्रवेश परीक्षा 2021 म शानदार प्रदर्शन करे हावय, येकर ले आदिवासी लइका के डॉक्टर बने के सपना साकार होत हावय। राज्य के दूरस्थ अंचल म के एकलव्य आदर्श आवासीय स्कूल के 9 पढ़ईया मन के चयन ए साल एमबीबीएस के पढ़ाई के खातिर होइस हावय। आदिम जाति कल्याण मंत्री डॉ. प्रेमसाय सिंह टेकाम ह सबो सफल पढ़ईया मन ल बधाई देत उंकर उज्जवल भविष्य के कामना करे हावय।
नीट 2021 म सफल पढ़ईया मन ह एकलव्य आदर्श स्कूल कटेकल्याण जिला दक्षिण बस्तर दंतेवाड़ा के 5 छात्रा, एकलव्य आदर्श आवासीय स्कूल तरेगांव जंगल जिला कबीरधाम के दू छात्र, एकलव्य आदर्श आवासीय स्कूल छोटे मुड़पार खरसिया जिला रायगढ़ के दू पढ़ईया सामिल हावयं। ये सबो पढ़ईया ग्रामीण पृष्ठभूमि अउ किसान परिवार ले संबंधित हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।