 |
| Giroudpuri Mela |
अंजोर.रायपुर, 27 फरवरी। गिरौदपुरी धाम म तीन दिवसीय गुरूदर्शन मेला के आयोजन 7 ले 9 मार्च 2022 तक करे जाही। जगतगुरू गुरू गद्दीनशीन विजय कुमार गुरू के अध्यक्षता म गिरौदपुरी मेला आयोजन समिति के बलौदाबाजार जिला पंचायत के सभागार म उच्च स्तरीय बइठक म मेला के आयोजन तिथि के निर्धारण करिन।
लोक स्वास्थ्य यांत्रिकी अउ ग्रामोद्योग मंत्री गुरू रूद्रकुमार ह बइठक म किहिन के मेला म लाखों श्रद्धालु आथे, उंकर खातिर बुनियादी सुविधा के इंतजाम करना जिला प्रशासन के जिम्मेदारी हावय। सबो विभाग आपसी ताल-मेल के संग काम करके ए बड़े आयोजन ल सफल बनाये म अपन सहभागिता दें। विजय कुमार गुरू ह कोरोनाकाल ल धियान म रखत दरस करइया मन ल येकर बचाव के उपाय करत मेला म आये के गेलौली करे हावय।
ए मउका म राज राजेश्वरी कौशल माता, गुरु दीदी प्रियंका, राजमहंत गण, छत्तीसगढ़ राज्य अंत्यावसायी सहकारी वित्त अउ विकास निगम के अध्यक्ष धनेश पाटिला सहित कलेक्टर डोमन सिंह, एसपी सहित जिला प्रशासन के वरिष्ठ अधिकारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।