हेल्थ सेक्टर म खुलिस करियर के द्वार, स्वास्थ्य विभाग म 910 पद म होही भर्ती

चिकित्सा अधिकारी, स्टॉफ नर्स, स्वास्थ्य कार्यकर्ता, जूनियर सेक्रेट्रियल असिस्टेंट अउ चतुर्थ श्रेणी के पद म होही संविदा भर्ती

अंजोर.रायपुर,23 फरवरी। राज्य शासन के स्वास्थ्य अउ परिवार कल्याण विभाग के ले राष्ट्रीय स्वास्थ्य मिशन, छत्तीसगढ़ डहर ले शहरी सरकारी स्वास्थ्य संस्था (UHWC) म 910 पद म संविदा भर्ती करे जाही। एमे चिकित्सा अधिकारी के संग ही स्टॉफ नर्स, पुरूष स्वास्थ्य कार्यकर्ता, जूनियर सेक्रेट्रियल असिस्टेंट अउ चतुर्थ श्रेणी के पद शामिल हावयं। राष्ट्रीय स्वास्थ्य मिशन डहर ले राज्य स्तर म 182 चिकित्सा अधिकारी मलके भर्ती करे जाही। उहें 16 जिला  म जिला स्तर म स्टॉफ नर्स, पुरूष स्वास्थ्य कार्यकर्ता, जूनियर सेक्रेट्रियल असिस्टेंट अउ चतुर्थ श्रेणी के कुल 728 पदों म भर्ती होही।

चिकित्सा अधिकारी (संविदा) के भर्ती के खातिर एम.बी.बी.एस. के उपाधि या भारतीय चिकित्सा परिषद डहर ले मान्यता के समकक्ष उपाधि (समकक्ष उपाधि म केवल एलोपैथी पद्धति के उपाधि ही मान्य होही) के योग्यता हावय। येकर खातिर 25 फरवरी ले 15 मार्च 2022 तक ऑनलाइन आवेदन आमंत्रित करे  जाही। कोनो आन माध्यम ले आवेदन पत्र स्वीकार नइ करे जाही। विज्ञापन तिथि तक अभ्यर्थी के सबो शैक्षणिक अउ आन अर्हताएं पूर्ण होना अनिवार्य हावय, अन्यथा आवेदन पत्र अस्वीकृत कर दे जाही। ए संबंध म कोनो पत्र व्यवहार मान्य नइ करिन जाही। आवेदन करइया के सबो प्रमाण पत्र ऑनलाइन आवेदन म संलग्न करना अनिवार्य हावय। येकर बिना आवेदन म विचार नइ करे जाही। आवेदक के उम्र 1 जनवरी 2022 के न्यूनतम 21 वर्ष व अधिकतम 70 वर्ष होना चाहि। आयु के गणना 1 जनवरी 2022 के आधार मानके करे जाही। स्वास्थ्य विभाग के वेबसाइट www.cghealth.nic.in म विज्ञापन के प्रारूप अउ भर्ती संबंधी आन जानकारी देखे जा सकतत हावयं।

राज्य स्तर म चिकित्सा अधिकारी मनके भर्ती के संग ही शहरी हेल्थ एंड वेलनेस सेंटर्स (UHWC) के खातिर चार अलग-अलग कनिष्ठ पद स्टॉफ नर्स, पुरूष स्वास्थ्य कार्यकर्ता, जूनियर सेक्रेट्रियल असिस्टेंट अउ चतुर्थ श्रेणी के पद म तको राष्ट्रीय स्वास्थ्य मिशन के मापदण्ड के मुताबिक जिला स्तर म भर्ती करे जाही। येकर ले बलौदाबाजार, राजनांदगांव अउ कोरिया जिला म स्टॉफ नर्स के 3, पुरूष स्वास्थ्य कार्यकर्ता के 3, जूनियर सेक्रेट्रियल असिस्टेंट के 3 अउ चतुर्थ श्रेणी के 3 पद म भर्ती करे जाही। बस्तर, महासमुंद अउ कवर्धा जिला म स्टॉफ नर्स के 4, पुरूष स्वास्थ्य कार्यकर्ता के 4, जूनियर सेक्रेट्रियल असिस्टेंट के 4 अउ चतुर्थ श्रेणी के 4, बिलासपुर म स्टॉफ नर्स के 14, पुरूष स्वास्थ्य कार्यकर्ता के 14, जूनियर सेक्रेट्रियल असिस्टेंट के 14 अउ चतुर्थ श्रेणी के 14 पद म भर्ती होही।

राष्ट्रीय स्वास्थ्य मिशन के तहत धमतरी अउ रायगढ़ जिला म स्टॉफ नर्स के 6, पुरूष स्वास्थ्य कार्यकर्ता के 6, जूनियर सेक्रेट्रियल असिस्टेंट के 6 अउ चतुर्थ श्रेणी के 6 पद म भर्ती करे जाही। दुर्ग म स्टॉफ नर्स के 27, पुरूष स्वास्थ्य कार्यकर्ता के 27, जूनियर सेक्रेट्रियल असिस्टेंट के 27 अउ चतुर्थ श्रेणी के 27 पद म भर्ती होही। जांजगीर-चांपा म स्टॉफ नर्स, पुरूष स्वास्थ्य कार्यकर्ता, जूनियर सेक्रेट्रियल असिस्टेंट अउ चतुर्थ श्रेणी के एक-एक पद म भर्ती करे जाही। कांकेर अउ मुंगेली जिला म स्टॉफ नर्स के 2, पुरूष स्वास्थ्य कार्यकर्ता के 2, जूनियर सेक्रेट्रियल असिस्टेंट के 2 अउ चतुर्थ श्रेणी के 2 पद, कोरबा म स्टॉफ नर्स के 19, पुरूष स्वास्थ्य कार्यकर्ता के 19, जूनियर सेक्रेट्रियल असिस्टेंट के 19 अउ चतुर्थ श्रेणी के 19 पद, रायपुर म स्टॉफ नर्स के 76, पुरूष स्वास्थ्य कार्यकर्ता के 76, जूनियर सेक्रेट्रियल असिस्टेंट के 76 अउ चतुर्थ श्रेणी के 76 पद अउ सरगुजा म स्टॉफ नर्स, पुरूष स्वास्थ्य कार्यकर्ता, जूनियर सेक्रेट्रियल असिस्टेंट अउ चतुर्थ श्रेणी के 8-8 पद म भर्ती करे जाही।