यूक्रेन ले छ: पढ़इया लइका के होगे वापसी..., मुख्यमंत्री श्री बघेल करिस मुलाकात

MBBS Students from Ukraine returned to Chhattisgarh

यू्क्रेन ले छत्तीसगढ़ आए के पूरा खरचा राज्य सरकार उठाही

ठहरे के खातिर छत्तीसगढ़ सदन म बेवस्था करे गे हावय

अंजोर.रायपुर, 27 फरवरी। यूक्रेन ले प्रदेस के पढ़इया लइका के सकुशल वापसी खातिर छत्तीसगढ़ सरकार सरलग प्रयास करते हावय। छत्तीसगढ़ ले यूक्रेन म मेडिकल के पढ़ाई के खातिर गे छह पढ़इया लइका के आज एयर इंडिया के फ्लाइट ले नवा दिल्ली वापसी होए हाबे। पढ़इया लइका के ठहरे के खातिर छत्तीसगढ़ सदन म बेवस्था करे गे हावय। छत्तीसगढ़ के मुख्यमंत्री ह ये पढ़इया लइका ले मुलाकात करके उंकर हालचाल जानिस अउ ओला छत्तीसगढ़ म उंकर घर तक सकुशल वापसी के आश्वासन दिस।

यू्क्रेन के आने-आने शहर ले आत छत्तीसगढ़ के पढ़ईया मनके वापसी के पूरा खर्च राज्य सरकार उठाही। मुख्यमंत्री भूपेश बघेल ह सनिच्चर देर रात येकर घोसना करे हावय। मुख्यमंत्री ह किहिन हावय के यूक्रेन ले अपन निजी खर्चें ले छत्तीसगढ़ लौटने वाला पढ़इया लइका अउ नागरिक के खर्च के वहन छत्तीसगढ़ सरकार करही।