एसो स्कूल के गर्मी के छुट्टी म कटौती, समय सारिणी के मौसम के मुताबिक तइयार करे जाही

School holidays

अंजोर.रायपुर, 23 फरवरी। शिक्षा विभाग ह गर्मी के छुट्टी म कटौती करे  जाये के फैसला ल पढ़ईया मनके हित म बताइन हावय। विभाग के कहना हावय के ए फइसला ले सामान्य तौर म पालक अउ पढ़ईया खुश हावयं। शिक्षा विभाग ह किहिन हावय के कोरोना महामारी के सेती काफी लम्बा समय ले स्कूल के पढ़ाई अव्यवस्थित रेहे हावय, जेकर सेती छात्र के अधिगम के हानि (लर्निंग लास) होइस हावय। इही ल देखत रखत छात्रहित के मुताबिक गर्मी के छुट्टी ल कम करे गे हावय, जेकर ले सामान्य तौर म पालक अउ लइका प्रसन्न हावय। ए बखत शिक्षक अधिगम के हानि (लर्निंग लास) ल धियान म रखत लइका ल अध्यापन कराही, जेकर ले उंकर स्तर समरूप हो पाही, ताकि वो अगली कक्षा म पूरा उत्साह अउ उमंग के संग भाग ले सकही। ए बखत छात्र के उपस्थिति शत् परतिसत करे के कोशिश करे जाही, फेर अनिवार्य नइ करे जाही। स्कूल के समय सारिणी के मौसम के मुताबिक तइयार करे जाही, जेकर ले अनावश्यक परेशानी नइ होही। ये फइसला छात्रहित ल धियान म रखत ले गे हावय।