नक्सली मुठभेड़ म शहीद असिस्टेंट कमाण्डर के शहादत म शोक व्यक्त करिन राज्यपाल सुश्री अनुसुईया उइके

अंजोर.रायपुर, 12 फरवरी। राज्यपाल सुश्री अनुसुईया उइके ह बीजापुर जिला म सीआरपीएफ जवान मन अउ नक्सली मन के बीच मुठभेड़ म शहीद होए असिस्टेंट कमांडर के शहादत म गहरा शोक व्यक्त करिन। ओमन घायल जवान मन के लघियात स्वास्थ्य लाभ के कामना करिस। जानबा हो के बीजापुर जिला के जंगल म सीआरपीएफ जवान मन अउ नक्सली मन के बीच होए मुठभेड़ म असिस्टेंट कमांडेट श्री बी एस तिर्की शहीद होगे। राज्यपाल ह शहीद असिस्टेंट कमांडर के प्रति शोक व्यक्त करत उंकर शोक संतप्त परिवार के प्रति गहरी संवेदना व्यक्त करे हावय। ओमन किहिन के हमर जवान मन के शहादत व्यर्थ नइ जाये, केंद्र सरकार अउ राज्य सरकार के समन्वय ले प्रदेस ले नक्सलवाद के खात्मा जल्दी ही होही।