भूमकाल आंदोलन - आदिवासी के स्वाभिमान, जल, जंगल, जमीन अउ स्वतंत्रता के लड़ाई के प्रतीक : भूपेश बघेल

भूमकाल आंदोलन

अंजोर.रायपुर, 9 फरवरी। मुख्यमंत्री दाऊ भूपेश बघेल ह भूमकाल दिवस के एक दिन पहिली आज अपन रायपुर निवास कार्यालय ले नगर पालिका कांकेर के घड़ी चौक म स्थापित अमर शहीद गुण्डाधुर के प्रतिमा के वर्चुअल लोकार्पण करिन। मुख्यमंत्री भूपेश बघेल ह अमर शहीद गुण्डाधुर ल नमन करत किहिन के ओमन बस्तर म भूमकाल आंदोलन के अगुवई करिन। भूमकाल आंदोलन सन् 1909 म सुरू होइस रिहिस। ये आंदोलन आदिवासी के स्वाभिमान, आदिवासी के जल, जंगल अउ जमीन अउ आदिवासी के स्वतंत्रता के लड़ाई रिहिस। ओमन सीमित संसाधन के बावजूद अंग्रेज ले लोहा लिस। वो अंग्रेज के आगू झुकिस नहीं। ओमन आदिवासी समाज ल जोडि़स।

मुख्यमंत्री श्री बघेल ह किहिन के 1857 के क्रांति के पहिली ही परलकोट के राजा अमर शहीद गैंद सिंह ह 1925 म अंग्रेज के खिलाफ विद्रोह के बिगुल फूकिस। 1857 के लड़ाई म अमर शहीद वीर नारायण सिंह ह अंग्रेजों के खिलाफ लड़ाई छेड़े रिहिस। हमर इन जननायक ह अपन आजादी ल कोनो भी कीमत म गिरवी नइ रखिस। मुख्यमंत्री ह किहिन के देश के आजादी के लड़ाई म हमर इन वीर स्वतंत्रता संग्राम सेनानी के अमूल्य योगदान जे तरह रेखांकित होना रिहिस, वइसे रेखांकित नइ हो पाइस। अब हमर आदिवासी समाज जागृत होत हावय अउ ये वीर के योगदान ल रेखांकित करे के संग उंकर सुरता ल अमर राखे हावय।