गोधन न्याय योजना, राजीव गांधी किसान न्याय योजना अउ सुराजी गांव योजना ले किसान मनके जीवन म आइस बदलाव : मुख्यमंत्री श्री भूपेश बघेल

अंजोर.रायपुर, 18 फरवरी। मुख्यमंत्री भूपेश बघेल ह किहिन के गोधन न्याय योजना, राजीव गांधी किसान न्याय योजना अउ सुराजी गांव योजना किसान मनके जीवन म बदलाव लाने वाला योजना साबित होए हावयं। गोधन न्याय योजना ल सरलग नया आयाम देत हावय। अब प्रदेस म गोधन न्याय योजना के संचालन मिशन के रूप म करे जात हावय। ए योजना म गउठान म गोबर के क्रय, वर्मी कम्पोस्ट तइयार करे सहित गउठान म संचालित आने-आने आयमूलक गतिविधी ले स्व-सहायता समूह के महिला मनके आर्थिक मजबूती मिलत हावय। आने वाला समय म गांव-गांव म बनाये गे गउठान के अउ जादा मजबूत करे जाही।

मुख्यमंत्री बघेल आज अपन निवास कार्यालय म गोधन न्याय योजना के रकम अंतरण कार्यक्रम के सम्बोधित करत रिहिन रिहिस। ए बखत ओमन पशुपालक ग्रामीण, गउठान ले जुड़े महिला समूह अउ गउठान समिति मन के 10 करोड़ 24 लाख रूपिया के रकम ऑनलाइन जारी करिस, ए रकम म 16 जनवरी ले 15 फरवरी तक राज्य के गउठान म पशुपालक ग्रामीण, किसान मन, भूमिहीन ले गोधन न्याय योजना के तहत बिसाये गोबर के एवज म 5 करोड़ 62 लाख रूपिया के भुगतान अउ गउठान समिति मन के 1.88 करोड़ अउ महिला समूह के 2.75 करोड़ रूपिया के लाभांश रकम सामिल हावय। गोबर विक्रेता मनके गोबर खरीदी सुरू होए ले लेके अब तक 127 करोड़ 79 लाख रूपिया रकम के भुगतान करे जा चुके हावय। इही रकम ले ए योजना के सुरू होए ले लेके अब तक स्व-सहायता समूह अउ गउठान समिति मन के कुल 79 करोड़ 39 लाख रूपिया के भुगतान करे जा चुके हावय।