मुख्यमंत्री श्री भूपेश बघेल के अध्यक्षता म राजीव युवा मितान क्लब के शासी निकाय के गठन

राजीव युवा मितान क्लब

अंजोर.रायपुर, 14 फरवरी। मुख्यमंत्री भूपेश बघेल के अध्यक्षता म राजीव युवा मितान क्लब के शासी निकाय के गठन करिन। जानबा होवय के छत्तीसगढ़ म 15 ले 40 साल उमर के युवा मन के खातिर राजीव युवा मितान क्लब योजना सुरू की हावय, जेकर तहत युवा मितान क्लब बनाये गे हावय। युवा मितान क्लब के माध्यम ले पर्यावरण, खेल अउ संस्कृति के संरक्षण के बढ़ावा दे जात हावय। राज्य के सबो गांव पंचायत मन अउ नगरीय निकाय म युवा मितान क्लब गठित करे जा हावय।

राज्य शासन के खेल अउ युवा कल्याण विभाग मंत्रालय महानदी भवन, नवा रायपुर डहर ले आदेश जारी करके राजीव युवा मितान क्लब के शासी निकाय के गठन करिन। शासी निकाय के अध्यक्ष मुख्यमंत्री भूपेश बघेल, उपाध्यक्ष खेल अउ युवा कल्याण मंत्री उमेश पटेल के बनाये गे हावय। पंचायत अउ ग्रामीण विकास मंत्री टी.एस. सिंहदेव, नगरीय प्रशासन अउ विकास मंत्री डॉ. शिवकुमार डहरिया, लोकसभा सांसद दीपक बैज, राज्यसभा सांसद श्रीमती छाया वर्मा, विधायक देवेन्द्र यादव, विधायक विनय भगत, मुख्य सचिव अमिताभ जैन अउ अपर मुख्य सचिव सुब्रत साहू के सदस्य अउ खेल अउ युवा कल्याण विभाग के सचिव के पदेन सदस्य सचिव बनाये गे हावय।