 |
| cg e district portal raipur |
अंजोर.रायपुर, 13 फरवरी। छत्तीसगढ़ सरकार डहर ले लोक सेवा गारंटी अधिनियम के ले संचालित ई डिस्ट्रिक्ट परियोजना के पोर्टल म जरूरी परिवर्तन करत अब एक मोबाइल नंबर ले एक महीना म अधिकतम केवल 4 आवेदन के सीमा तय कर दीस हावय। ये जानकारी देत छत्तीसगढ़ इन्फोटेक प्रमोशन सोसायटी चिप्स के मुख्य कार्यपालन अधिकारी समीर विश्नोई ह बताइन के पाछु दिन ई-डिस्ट्रिक्ट पोर्टल म आम नागरिक के सुविधा के खातिर दे गे सिटीजन लॉगिन के दुरुपयोग करे के समाचार ल देखत चिप्स डहर ले स्वत संज्ञान लेवत होए तुरते प्रभाव ले आवेदन करे के संख्या ल सीमित करिन। महीना म 4 ले जादा आवेदन के दशा म नागरिक लोक सेवा केंद्र, चॉए सेंटर के माध्यम ले आवेदन करके सकही। ये सुविधा लोक सेवा केंद्र डहर ले संचालित सबो सेवा म लागू होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।