महतारी दुलार योजना ले जीवन म आइस सकारात्मक बदलाव

महतारी दुलार योजना

अंजोर.बिलासपुर, 21 फरवरी। बिलासपुर संभागायुक्त डॉ. संजय अलंग ह वीडियो कांफ्रेंसिंग के माध्यम ले पेण्ड्रा जिला के महतारी दुलार योजना ले लाभान्वित हितग्राही मन अउ कोविड.19 म मृतक हितग्राही परिवार ले बातचीत करिस। महतारी दुलार योजना ले लाभान्वित स्वामी आत्मानंद स्कूल के लइका ह संभागायुक्त डॉ. अलंग ले अपन अनुभव साझा करिस  अउ योजना ले मिले लाभों के बारे म तको बताइन। कार्यक्रम म डिप्टी कमिश्नर श्रीमती अर्चना मिश्रा अखिलेश साहू शिक्षा विभाग बिलासपुर के संयुक्त संचालक आर.एन.हीराधर मौजूद रिहिन।

डॉ. अलंग ह स्वामी आत्मानंद अंग्रेजी माध्यम स्कूल सेमरा के कक्षा 10 वीं के पढ़ईया याशर कुरैशी ले बात करिस अउ योजना ले मिलत लाभ के बारे म जानकारी लिस। पढ़ईया याशर कुरैशी ह बताइन के ओला महतारी दुलार योजना ले सेमरा के आत्मानंद अंग्रेजी माध्यम स्कूल म एडमिशन मिले हाबे अउ स्कूल म प्रतिमाह एक हजार के दर ले दस हजार के छात्रवृत्ति तको दे गे हावय। याशर ह बताइन के वो ह छात्रवृत्ति म मिले रकम के उपयोग अपन पढ़ाई-लिखाई म करत हावयं। याशर ह बताइन के स्वामी आत्मानंद अंग्रेजी माध्यम स्कूल म पढ़ाई-लिखाई के बढि़या माहौल हावय इहाँ के पढ़ाई पेण्ड्रा के आन स्कूल के तुलना म काफी अच्छा हावय। याशर ह बताइन के स्कूल म अंग्रेजी बोले के अच्छा अभ्यास कराये जात हावय अउ व्यक्तित्व विकास म तको बिसेस धियान दे जात हावय।

जानबा होवय के कोरोना म बेसहारा होए लइका के भविष्य बनाये के खातिर महतारी दुलार योजना सुरू करे गे हावय। येकर ले अइसे लइका जेकर परिवार ले कोविड-19 के सेती ले महतारी या पिता या दुनों के मउत होगे होबे ओला शासन डहर ले फोकट म स्कूली शिक्षा दे जाही। योजना म पहिली ले आठवीं के लइका के 500 रूपिया प्रतिमाह अउ नवमीं ले बारहवीं के लइका के 1000 रूपिया प्रतिमाह के दर ले छात्रवृत्ति तको दे जात हावय।