फिल्म ‘सिन्दूर’ के होइस मुहूर्त, प्रमोटर अजय साहू संग एल्बम स्टार अनिता बरेठ के अहम भूमिका

chhattisgarhi film

सिनेमा। छॉलीवुड म अब एक अऊ नवा दमदार पारिवारिक कहानी ‘सिंदूर’ ले बिलासपुर अंचल के डिजिटल फिल्म प्रमोटर अजय साहू छत्तीसगढ़ी सिनेमा म नायक के रूप म डेब्यू करत हाबे। संग म होही अचंल के लोकप्रिय अभिनेत्री अनिता बरेठ जेकर ‘गवंन’ फिल्म तको अवइया हावय येकर अलावा ओमन के ‘कोचई पान, अपसरा’ जइसे केऊ ठी एल्बम सोशल मीडिया म खूब धमाल मचाये हाबे।

यहू ल पढ़व-   

निमार्ता कृष्ण कुमार साहू, राजेश तिवारी अउ निर्देशक राजेश तिवारी के छत्तीसगढ़ी फिल्म के शूटिंग शुरू हो चुके हावय। येमा सह निर्देशिका के जबर भूमिका निभाही अनुपमा मनहर, जेन छॉलीवुड के कई नामचीन निर्माता, निर्देशक मनके संग काम कर चुके हावय। मिले आरो के मुताबिक ये एक पारिवारिक कहानी आए, पूरा कहानी के खुलासा बाद म करबो फिलहाल आन कलाकार के बात करे तो येमा अजय साहू, अनिता बरेठ के अलावा जागेश वर्मा, रूपा चौधरी, धमेंद्र चौबे, राजेश बाघमारे, पकलु, रंजीत साहू,प्रदीप शर्मा, उपासना वैष्णव, हेमलाल कौशल अउ लता राही के अहम भूमिका होही। 

• फिल्मू - सिन्दूर
• निमार्ता - कृष्ण कुमार साहू, राजेश तिवारी
• निर्देशक - राजेश तिवारी
• सह निर्देशिका - अनुपमा मनहर
• छायांकन - राज ठाकुर
• निर्माता - कृष्ण कुमार साहू
• कलाकार - अजय साहू, अनिता बरेठ, जागेश वर्मा, रूपा चौधरी, धमेंद्र चौबे, राजेश बाघमारे, पकलु, रंजीत साहू,प्रदीप शर्मा, उपासना वैष्णव, हेमलाल कौशल, लता राही आदि।

ajay sahu

anita bareth