दर्री बालगृह के लइका के नहर म डूबे के मामला म एनजीओ अउ अधीक्षक उपर कार्रवाई

अंजोर.कोरबा, 21 फरवरी। दर्री के बाल गृह म रहइया बालक के नहर म डूबे के संबंध म कलेक्टर श्रीमती रानू साहू ह 3 सदस्यीय जांच दल गठित करे हावय। संग ही बाल गृह संचालित करइया एनजीओ के जिम्मेदार म तको कार्रवाई करे के निर्देश दे हावय। कलेक्टर ह बालक के डूबे के मामला के गंभीरता ले लेवत बाल गृह के अधीक्षक ल हटाये के निर्देश दे हावयं। बालक के नहर म डूबे के मामला के जांच के खातिर गठित जांच दल 2 दिन म सरी घटना के जांच करके प्रतिवेदन सौंपही। 

जांच म एनजीओ या उंकर अधीक्षक के गलती पाई जात हावय त बाल गृह के संचालन ले एनजीओ ल अलग करे के फइसला ले जाही। संग ही भविष्य म आन बाल गृह म ए रकम ले घटना के पुनरावृत्ति न हो येकर खातिर उचित कार्यवाही करे जात हावय। ए संबंध म जिला प्रशासन डहर ले सबो एनजीओ के तुरते बइठक बुलाये गे हावय।