अंजोर.दुर्ग,12 फरवरी। दुर्ग पुलिस पुलिस ह शिवांग चंद्राकर हत्याकांड के खुलासा करत आरोपी ल धर दबोचे हावय। मिले आरो के मुताबिक इंजिनियर शिवांग चंद्राकर के हत्या गला म रस्सी के फंदा लगाके करे रिहिस। अउ सबुत ल मिटाये खातिर बैग, जैकेट अउ लोवर ल झरझरा पुलिया तिर जला दे रिहिस। पुलिस के 6 टीम लगे रिहिस हत्या के गुत्थी सुलझाये खातिर अउ ये हाई प्रोफाईल मर्डर मिस्ट्री ल सुलझाये म पुलिस ल 65 दिन लगगे।
अपहरण करके 30 लाख रूपिया के फिरौती लेके सेती शिवांग ल पकड़े रिहिस फेर पुलिस सक्रिय होये के सेती फिरौती लेके प्लान बदल दिस। मिले आरो के मुताबिक महंगा कपड़ा अउ विलासता जीवन के चाह म आरोपी ये घटना ल अंजाम दिस। चंदखुरी गांव के पूर्व पंच अशोक देशमुख सहित तीन आरोपी ल गिरफ्तार के पुलिस आगे के कार्यवाही करत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।