 |
| मिशन इंद्रधनुष |
अंजोर.रायपुर, 08 फरवरी। छत्तीसगढ़ म मिशन इंद्रधनुष 4.0 की शुरूआत हो चुके हावय। 7 फरवरी ले सुरू होए इंद्रधनुष मिशन 4.0 के उद्देश्य सरलग टीकाकरण म तेजी लाना हावय। फिलहाल येकर शुरूआत राज्य के पांच जिला ले करे गिस हावय, जेमा राज्य के बस्तर, धमतरी, दुर्ग, कांकेर अउ राजनांदगॉव जिला सामिल हावयं। कोरोना वैक्सीनेशन के सेती ले राज्य म जिहां वयस्क आबादी लगभग सुरक्षित हो चुके हावय, फेर लइका अभी तको खतरे म हावय।
टीकाकरण ले छूटें लइका के टीका लगाये के खातिर सघन मिशन इंद्रधनुष 4.0 अभियान चलाये जात हावय। राष्ट्रीय स्वास्थ्य मिशन छत्तीसगढ़ के मिशन संचालक सह संचालक स्वास्थ्य अउ परिवार कल्याण डॉ. प्रियंका शुक्ला ह बताइन के ये अभियान राज्य म 3 चरण म संचालित करे जाही, जेमा पहिली चरण 7 फरवरी ले 13 फरवरी द्वितीय चरण 07 मार्च ले 13 मार्च अउ तृतीय चरण 4 अप्रैल ले 10 अप्रेल तक संचालित करे जाही।
राज्य म चिन्हित जिला म पहिली चरण म 2199 सत्र आयोजित करे जाही, जेकर ले 5400 ले जादा 02 साल तक के लइका अउ 2600 ले जादा गर्भवती माताएं टीकाकृत होही। सबो टीकाकरण सत्र जिला के चिन्हाकित गांव के आंगनबाड़़ी केन्द्र म आयोजित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।