 |
| राज्य खाद्य परीक्षण प्रयोगशाला |
अंजोर.रायपुर, 7 फरवरी। राजधानी रायपुर के कालीबाड़ी के राज्य खाद्य परीक्षण प्रयोगशाला म आने-आने पद म अस्थायी भरती के खातिर दावा-आपत्ति आमंत्रित करे गे रिहिस हावय। नियंत्रक, खाद्य अउ दवई प्रशासन कार्यालय डहर ले भारतीय खाद्य संरक्षा अउ मानक प्राधिकरण (FSSAI) ले मिले मदद रकम के ले आने-आने पद म तीन महीना के खातिर अस्थायी भरती बर मिले आवेदन के प्रारंभिक संवीक्षा के बाद दावा-आपत्ति सूची जारी करे गिस हावय।
उम्मीदवार ए सूची म दावा-आपत्ति संबंधित आवेदन अउ दस्तावेज के संग राज्य खाद्य परीक्षण प्रयोगशाला, कालीबाड़ी, रायपुर म 11 फरवरी तक संझा पांच बजे तक प्रस्तुत कर सकत हावयं। आन कोनो तको माध्यम ले दावा-आपत्ति मान्य नइ करे जाही। करार तिथि के बाद दावा-आपत्ति मान्य नइ करिन जाही।
नियंत्रक, खाद्य अउ दवई प्रशासन कार्यालय डहर ले माइक्रोबॉयोलॉजिस्ट, केमिस्ट, लैब तकनीशियन अउ लैब सहायक के दो-दो अउ कम्यूटर ऑपरेटर के चार पद म अस्थायी भरती के खातिर दावा-आपत्ति आमंत्रित करे गिस हावय। दावा-आपत्ति सूची रायपुर के कालीबाड़ी स्थित खाद्य अउ दवई परीक्षण प्रयोगशाला, नवा रायपुर के इन्द्रावती भवन स्थित नियंत्रक, खाद्य अउ दवई प्रशासन कार्यालय अउ जुन्ना पीएचक्यू (PHQ), सिविल लाइन, रायपुर स्थित रोजगार कार्यालय म चस्पा करे गे हावय। एला राज्य शासन के स्वास्थ्य अउ परिवार कल्याण विभाग के वेबसाईट cghealth.nic.in (सीजीहेल्थ डॉट एनआईसी डॉट इन) म तको प्रदर्शित करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।