 |
| शिक्षित बेरोजगार प्लेसमेंट कैम्प |
अंजोर.रायपुर 14 फरवरी। जिला रोजगार अउ स्वरोजगार मार्गदर्शन केन्द्र, रायपुर डहर ले स्थानीय शिक्षित बेरोजगार युवा मन के निजी क्षेत्र म रोजगार के मउका उपलब्ध कराने के खातिर प्लेसमेंट कैंप के आयोजन करे जा हावय। ये प्लेसमेंट कैंप 15 ले 21 फरवरी 2022 तक ऑनलाईन-ऑफलाईन होही। येकर खातिर आवेदक के सिर्फ बॉयोडाटा जमा करे होही। ए प्लेसमेंट कैम्प के माध्यम ले निजी क्षेत्र के तीन नियोजक विनायक जॉब कन्सलटेंट, बत्रा दीपक एंड एसोसियेट इण्डिया प्राइवेट लिमिटेड अउ कॉनसेप्ट कन्सलटेंसी सर्विसेस, रायपुर डहर ले 714 आने-आने पद म भरती करे जाही।
ये पद के खातिर योग्यता न्यूनतम 8वीं ले 12वीं स्नातक,स्नातकोत्तर, पी.जी.डी.सी.ए., आई.टी.आई., डिप्लोमा, बी.ई., बी.टेक, बी.कॉम, एम.बी.ए. अउ एम.एस.डब्ल्यू. होही। ये पद म अनुभवी अउ योग्य आवेदक के भरती करे जाही। ये पद के खातिर चयनित आवेदक ल 8 हजार ले 20 हजार रूपये प्रति माह वेतनमान म नियुक्त करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।