माटीकला बोर्ड के जिनिस अब ऑनलाइन प्लेटफार्म म

अंजोर.रायपुर, 13 फरवरी। माटीकला बोर्ड के जिनिस अब ऑनलाइन प्लेटफार्म म उपलब्ध हावयं। बोर्ड डहर ले सूरजपुर जिला म स्थापित ग्लेजिंग यूनिट के माध्यम ले लगभग 200 कुम्हार ल सरलग रूप ले रोजगार उपलब्ध कराइन जात हावय। ए यूनिट के माध्यम ले माटी के केऊ कलात्मक जिनिस के उत्पादन करे जात हावय। 

मंत्री गुरु रूद्र कुमार ह किहिन हावय के माटी के बर्तन के उपयोग ले जिहां कुम्हार ल सरलग रोजगार मिलही उहें पर्यावरण तको सुरक्षित तको होही। येकर अलावा ए यूनिट के माध्यम ले केऊ रकम ले के कलात्मक अउ सजावटी जिनिस ल तको बनाये जात हावय। येकर बिक्री के खातिर एला ऑनलाइन प्लेटफार्म म उपलब्ध कराये गे हावय।