पलारी म 16 जोड़ा के होइस बिहाव, संसदीय सचिव सुश्री शकुंतला साहू दिस आसीस

Shakuntala Sahu mla kashdol

अंजोर.बलौदाबाजार, 17 फरवरी। प्रदेश म बर-बिहाव के जोर आवय, चारो मुड़ा गाजा-बाजा संग लोगन बिहतरा लाड़ू खावत हावय। इही बीच प्रशासन डहर ले तको सरकारी बिहाव के जोखा मड़ाये जावथे। मिले आरो मुताबिक बलौदाबाजार जिला के पलारी म मुख्यमंत्री कन्या विवाह योजना के अंर्तगत 16 जोड़ा के बिहाव होइस। ये मउका म नोनी-बाबू के बिहाव म घरतिया-बरतिया मनके संग एकेच ठउर म मेल मिलाप को होइस। बिहाव म दुल्हा- दुल्हिन ला सबो के मया आसीस मिलिस अऊ विशेष रूप ले क्षेत्र के विधायक अउ प्रदेश सरकार म संसदीय सचिव सुश्री शकुंतला साहू तको नोनी-बाबू ल आशिर्वाद दीस।