 |
| mukhyamantri adarsh vivah |
मुख्यमंत्री कन्या विवाह योजना बर आवेदन 05 मार्च तक एकीकृत बाल विकास परियोजना धमतरी (शहरी) कार्यालय म
अंजोर.धमतरी,23 फरवरी। हर साल कस ए साल तको मुख्यमंत्री कन्या विवाह योजना के तहत महिला अउ बाल विकास विभाग डहर ले सामूहिक विवाह के आयोजन करे जाही। येकर तहत आगामी नौ मार्च के सामुदायिक भवन धमतरी म सामूहिक विवाह आयोजित करे जाही। सामूहिक विवाह के खातिर पात्रता रखइया ले पांच मार्च तक आवेदन आमंत्रित करे गे हावयं। परियोजना अधिकारी, एकीकृत बाल विकास परियोजना धमतरी (शहरी) श्रीमती चित्ररेखा यादव ह बताइन के योजना के लाभ ले इच्छुक आवेदक करार प्रपत्र म बाल विकास परियोजना कार्यालय धमतरी, शहरी अथवा संबंधित सेक्टर पर्यवेक्षक/वार्ड के आंगनबाड़ी कार्यकर्ता के जरिए आवेदन पा करके जमा कर सकत हावयं।
योजना के लाभ ले के खातिर कन्या अउ ओकर परिवार ल छत्तीसगढ़ राज्य के मूल निवासी होना अनिवार्य हावय। विवाह तिथि के कन्या के आयु 18 साल ले जादा अउ वर के आयु 21 साल ले जादा होना चाहि। वधु मुख्यमंत्री खाद्यान्न सहायता योजना के तहत राशन कार्डधारी परिवार के सदस्य हो। कन्या के प्रथम विवाह के खातिर ही ए योजना म पात्र होही। एक परिवार ले अधिकतम दो कन्या लाभान्वित करे जा सकही। कम उम्र के विधवा महिला/निराश्रित कन्या प्राथमिकता राशन कार्डधारी तको पात्र होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।