मुख्यमंत्री कन्या विवाह योजना : धमतरी के जंवरगांव म छः जोड़ी के होइस बिहाव

मुख्यमंत्री कन्या विवाह योजना

अंजोर.धमतरी 15 फरवरी। एकीकृत बाल विकास परियोजना धमतरी (ग्रामीण) डहर ले 13 फरवरी के मुख्यमंत्री कन्या बिहाव योजना के तहत छः जोड़ी के बिहाव कराइन। गांव पंचायत जंवरगांव म आयोजित ए वैवाहिक कार्यक्रम म धमतरी विकासखण्ड के गांव तेन्दुकोना, अरौद, बालोदगहन, पटौद, अंवरी अउ जंवरगांव के आदिवासी ध्रुव गोंड़ सामज के वर-वधु सामिल होए।

ए बखत परियोजना अधिकारी, एकीकृत बाल विकास परियोजना धमतरी, ग्रामीण श्रीमती सरला मिश्रा ह मुख्यमंत्री कन्या बिहाव योजना की बारिकी ले जानकारी उपस्थित लोगन के दीस अउ येकर जादा ले जादा लाभ उठाये करे अपील करिस। जानबा हावय के योजना के तहत शासन डहर ले प्रति जोड़ा 25 हजार रूपिया की आर्थिक मदद दीस हावय। एमे 14 हजार रूपिया उपहार सामग्री, पांच हजार रूपिया वर-वधु श्रृंगार सामग्री, पांच हजार रूपिया वैवाहिक साज-सज्जा अउ एक हजार रूपिया वधु के बैंक ड्रॉफ्ट के रूप म दे जात हावय।