 |
| mukhyamantr kanya vivah yojana |
अंजोर.गौरेला पेंड्रा मरवाही, 27 फरवरी। मुख्यमंत्री कन्या बिहाव योजना के तहत सरकारी उच्चतर माध्यमिक स्कूल टीकरकला गौरेला म आयोजित समिलहा बिहाव कार्यक्रम म जिला के 110 जोड़ी के बिहाव होइस। छत्तीसगढ़ विधानसभा अध्यक्ष डॉ. चरणदास महंत अउ उंकर धर्मपत्नी अउ कोरबा सांसद श्रीमती ज्योत्सना महंत मुख्य अतिथि के रूप म कार्यक्रम म सामिल होइन अउ परिणय सूत्र म बंधे नवजोड़ी ल बधाई दीस। उंकर मंगलमय जीवन के कामना के अउ ओला गृहस्थ जीवन के खातिर उपयोगी उपहार भेंट करिस। समिलहा बिहाव समाजिक रीति-रिवाज, वैदिक मंत्रोच्चारण, शहनाई के गूंज अउ बाजा-गाजा के संग पूरा भव्यता के संग सम्पन्न होइस।
ए मउका म डॉ. महंत ह किहिन के मुख्यमंत्री भूपेश बघेल ह गढ़बो नवा छत्तीसगढ़ के नारा के दे हावय। येमे समाज ल गढ़े के तको कल्पना हावय। डॉ. महंत ह किहिन के आर्थिक रूप ले कमजोर परिवार के कन्या के बिहाव के खातिर आर्थिक मदद दे करे अउ दहेज अउ बाल बिहाव जइसे कुप्रथा म रोक लगाये के खातिर सुरू करे गे मुख्यमंत्री कन्या बिहाव योजना के तारीफ करिस।
ओमन किहिन के नवगठित गौरेला पेन्ड्रा मरवाही जिला हमर सपना के जिला हावय। सपना देखने के बाद ए जिला के बनाये होइस हावय। ओमन किहिन के बढि़या समाज के रचना करे के संग ही जिला के विकास अउ नवा छत्तीसगढ़ के बनाये म समाज सेवी, शिक्षक, डॉक्टर, वकील, किसान, मजदूर सहित समाज के सबो वर्ग सहभागी बने। सामुहिक बिहाव के आयोजन जिला प्रशासन अउ पुलिस प्रशासन के सहयोग ले महिला अउ बाल विकास विभाग डहर ले करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।