गजब अकन पैंगोलिन स्केल जप्त: आरोपी के खिलाफ वन अपराध के प्रकरण दर्ज

पैंगोलिन स्केल जप्त

अंजोर.रायपुर, 14 फरवरी। जगदलपुर वन वृत्त के बस्तर वनमंडल ले वन्यजीव अपराध रोकथाम ब्यूरो, वन विभाग, कंजेरवेशन कोर सोसायटी अउ पुलिस विभाग के संयुक्त टीम पाछु दिन जरूरी कार्रवाई करत लगभग 18.900 किलोग्राम पैंगोलिन स्केल के जब्ती करिस। येकर अलावा 6 नग तेंदुआ नाखून अउ 1 नग मोटर सायकल अउ 1 नग बोलेरो वाहन के जब्ती सहित अपराधी ल गिरफ्तार करके ले गे हावय। आरोपी मन के खिलाफ वन्यजीव संरक्षण अधिनियम के तहत वन अपराध के प्रकरण दर्ज करके विभाग डहर ले जांच के कार्रवाई जारी हावय। 

टीम डहर ले कार्रवाई के बखत पाछु दिन 11 फरवरी के मुखबीर के सूचना के आधार म हाता ग्राऊण्ड जगदलपुर के तिर म एक मोटर सायकिल सवार ले 17 किलोग्राम पैंगोलिन स्केल जब्त करिन। पुछताछ के बखत उंकर ले मिले सूचना के आधार म 12 फरवरी के फेर 1,900 किलोग्राम पैंगोलिन स्केल, 6 नग तेंदुआ नाखून, 1 नग मोटर सायकल अउ 1 नग बोलेरो वाहन की जब्ती की कार्रवाई करे गिस। जांच पड़ताल के बखत अपराधी मन डहर ले बताये मुताबिक दंतेवाड़ा के गांव कारली म 4 स्टार कछुआ दंतेवाड़ा के वन विभाग टीम डहर ले अपराधी सहित पकड़े गिस।