अंजोर.रायगढ़,20 फरवरी। प्रदेस म पुलिस, फायर अउ मेडिकल के आपातकालीन सेवा डायल 112 विशेषकर गर्भवती महिला मन के खातिर बरदान साबित हो रिहिन हावय। डॉयल 112 म कार्यरत जवान अउ ईआरवी के चालक मेडिकल इमरजेंसी के इवेंट म तुरते मउका म पहुंच के पीड़ित मन के मदद करत हावय। आज मंझनिया कमाण्ड सेन्टर रायपुर (C-4) ले पुसौर राइनो के गांव सिहा म गर्भवती महिला के मदद के खातिर मेडिकल इमरजेंसी के इवेंट मिलिस। सूचना मिलते ही अविलंब पुसौर राइनो म वो समय ड्यूटीरत आरक्षक राजेश बंजारे अउ ERV वाहन चालक दयासागर खुंटे गांव सिहा रवाना होइस।
गांव सिहा म कॉलर जोगिंदर साहू बताइन के उंकर पत्नी शशी रेखा साहू के जचकी के दर्द हावय, अस्पताल ले जाये म मदद चाहिये जेन म डायल 112 टीम डहर ले गर्भवती महिला, उंकर मां अउ गांव के मीतानीन ल तुरते डायल 112 वाहन म सुरक्षित बइठाके अस्पताल रवाना होइस, फेर रद्दा म गांव कोतासुरा के पास महिला के पीड़ा असहनीय होए ले जवान डहर ले वाहन खड़ा करके प्रसूता के मां अउ मीतानीन डहर ले ERV वाहन म महिला के सुरक्षित जचकी कराइन। महिला डहर ले स्वस्थ शिशु के जनम दे हावय। डॉयल 112 स्टाफ के सजगता ले तुरते ERV वाहन म प्रसूता अउ नवजात के सीएचसी पुसौर पहुंचाये गिस, जिहां दुनों स्वस्थ हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।