 |
| राजिम माघी पुन्नी मेला |
अंजोर.गरियाबंद, 15 फरवरी। छत्तीसगढ़ के प्रयाग के नाम ले परसिध राजिम म माघी पुन्नी मेला 16 फरवरी ले सुरू होके 01 मार्च महाशिवरात्रि तक चलही। त्रिवेणी संगम स्नान के खातिर 16 फरवरी माघ पूर्णिमा, 23 फरवरी जानकी जयंती अउ 01 मार्च महाशिवरात्रि के बिसेस परब रइही। मेला के शुभारंभ 16 फरवरी के संझा 7 बजे छत्तीसगढ़ विधानसभा के अध्यक्ष डॉ.चरणदास महंत करही। शुभारंभ समारोह के अध्यक्षता धार्मिक न्यास अउ धर्मस्व मंत्री ताम्रध्वज साहू करही।
जानबा होवय के महानदी के तट म स्थित राजिम छत्तीसगढ़ के परसिध तीर्थ हावय। एला छत्तीसगढ़ के ’प्रयाग’ तको कहत हावयं। इहाँ के परसिध राजीव लोचन मंदिर म भगवान विष्णु प्रतिष्ठित हावयं। हरेक साल इहाँ म माघ पूर्णिमा ले लेके शिवरात्रि तक एक विशाल मेला लगथे। इहाँ म महानदी, पैरी नदी अउ सोंढुर नदी के संगम होए के सेती ये ठऊर छत्तीसगढ़ के त्रिवेणी संगम कहलाथे। माघी पूर्णिमा ले महाशिवरात्रि तक चले वाला ए मेला म श्री राजीवलोचन मंदिर, श्री कुलेश्वर महादेव, श्री महाप्रभु वल्लभाचार्य जी प्राकट्य जगह चम्पारण, जुन्ना देवालय के दर्शन अउ सांस्कृतिक कार्यक्रम ल श्रद्धालु रोज आनंद ले सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।