 |
| सरकारी जिला अस्पताल |
अंजोर.राजनांदगांव, 09 फरवरी। कलेक्टर तारन प्रकाश सिन्हा ह आज सरकारी जिला अस्पताल बसंतपुर म तइयार करे जात उच्च तकनीक ले लैस ‘हमर लैब’ के निरीक्षण करिन। ओमन किहिन के लैब ल बनाये बुता जल्दीव पूरा करें। हमर लैब बनाये बुता पूरा होए के पहिली ही रोज जांच के मुताबिक पर्याप्त संसाधन तइयार रखें। येकर खातिर कार्य योजना बनाये जाए। ओमन किहिन के ‘हमर लैब’ बने के बाद मरीज मन के सुविधा म बढ़ोतरी होही। इहां तुरते जांच करा के रिपोर्ट पा सकत हावयं। ये उच्च स्तर के पैथोलॉजी जांच के खातिर तइयार करे गे हावय।
कलेक्टर श्री सिन्हा ह निरीक्षण के बखत जिला अस्पताल म रोज आने वाला ओपीडी के जानकारी लिस। ओमन अस्पताल म पुरूष वार्ड, महिला वार्ड, महिला सर्जिकल वार्ड के तको निरीक्षण करिन। ओमन किहिन के वार्ड हवादार रिहिन, येकर खातिर खिड़की खोल करके रखें। जानबा होवय के जिला म नक्सल अउ आदिवासी बाहुल्य क्षेत्र मानपुर विकासखण्ड के सामुदायिक स्वास्थ्य केन्द्र म पहिली ‘हमर लैब’ बनाये गे हावय। आसपास के स्थानीय नागरिक के तुरते जांच के सुविधा मिलत हावय। जिहां क्लीनिकल पैथोलॉजी, हिमेटोलॉजी, सेरोलॉजी, बॉयोकेमेस्ट्री अउ माईक्रो बॉयोलॉजी के लैब टेस्ट करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।