अंजोर.रायपुर, 10 फरवरी। राज्यपाल सुश्री अनुसुईया उइके, नान्हे2 बहादुर लइका के वीरता अउ सूझबूझ ले काफी प्रभावित होइस अउ ओला अपन तनि ले 21-21 हजार रूपिया के प्रोत्साहन रकम दे के घोसना करिस। सुश्री उइके ले राजभवन म राज्य वीरता पुरस्कार पाये लइका ह मुलाकात करिस। ए मउका म राज्यपाल ह लइका ल रजत पदक, प्रशस्ति पाती अउ 15-15 हजार रूपिया के प्रोत्साहन रकम के चेक दिस। ये रकम छत्तीसगढ़ राज्य बाल कल्याण परिषद डहर ले साल 2020 अउ साल 2021 के खातिर वीरता पुरस्कार बर चयनित 5 लइका ल दे गिस।
जानबा होवय के छत्तीसगढ़ राज्य बाल कल्याण परिषद् डहर ले हरेक साल साहसिक बुता करइया राज्य के लइका ल पुरस्कृत करे जाथे। साल 2020 के खातिर परिषद् डहर ले उन्नति शर्मा, जान्हवी राजपूत, दुर्गेश सोनकर अउ साल 2021 के खातिर अमन ज्योति जाहिरे अउ शौर्य प्रताप चंद्राकर ल वीरता पुरस्कार देके सम्मानित करे गे हावय।
वर्ष 2021 म वीरता पुरस्कार के खातिर चयनित कोरबा के 15 साल के अमन ज्योति जाहिरे ह अपन जान खतरे म डालकर जलप्रपात म बोहावत अपन संगवारी के जान बचाईस। इही रकम ले 2021 म चयनित धमतरी के रहइया 13 साल के शौर्य ह खेत म बिजली के तार गिरे के संभावना ल देखत उहां काम करत लोगन ल सचेत करिन अउ तुरते विद्युत विभाग म सूचना देके विद्युत आपूर्ति बंद करवाई। ए बुता ले खेत म काम करत 10 लोगन के जान बचगे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।