 |
| कमिश्नर डॉ. अलंग |
अंजोर.बिलासपुर, 9 फरवरी। कमिश्नर डॉ. संजय अलंग ह बिहनिया 10 बजे अपन कार्यालय के आकस्मिक निरीक्षण करिन। निरीक्षण के बखत दू कर्मचारी ल छोड़ सबो कर्मचारी उपस्थित पाये गिस। ओमन कार्यालय खुले के करार समय 10 बजे तक ऑफिस नइ पहुंचे दोनो कर्मचारी रीडर श्री सी.के.तिवारी अउ सहायक वर्ग तीन संगीता चौहान ल शो कॉज नोटिस जारी करे हावयं। जानबा होवय के राज्य शासन ह सरकारी कर्मचारी मन के कार्यक्षमता बढ़ाये के खातिर सप्ताह म पांच बुता दिन घोषित करत बिहनिया 10 बजे ले कार्यालय खोले के निर्देश दे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।