कृषि म गोमूत्र के वैज्ञानिक अउ व्यवस्थित उपयोग के तइयारी : मुख्यमंत्री श्री भूपेश बघेल

scientific and systematic use of cow urine in agriculture

अंजोर.रायपुर,25 फरवरी। छत्तीसगढ़ म कृषि के क्षेत्र म गोमूत्र के वैज्ञानिक अउ व्यवस्थित उपयोग के योजना तइयार करे के मुख्यमंत्री भूपेश बघेल ह निर्देश दे हावयं। मुख्यमंत्री  ह मुख्य सचिव के राज्य के कृषि वैज्ञानिक, गोमूत्र के रासायनिक खाद अउ कीटनाशक के बदला उपयोग करइया किसान मन अउ कामधेनु विश्वविद्यालय के विशेषज्ञ ले गोठबात करके कृषि म गोमूत्र के वैज्ञानिक उपयोग के संभावना के संबंध म कार्ययोजना तइयार करके दू सप्ताह म प्रस्तुत करे ल किहिन हावय।

रासायनिक खाद अउ कीटनाशक के सरलग प्रयोग ले माटी के उर्वरा शक्ति सरलग कम होत हावय

मुख्यमंत्री ह किहिन हावय के रासायनिक खाद अउ कीटनाशक के सरलग प्रयोग ले माटी के उर्वरा शक्ति सरलग कम होत हावय।  खेती म रसायन के जादा उपयोग ले जनसामान्य के स्वास्थ्य म तको विपरीत प्रभाव पड़त हावय। राज्य के गउठान म बने वर्मी कम्पोस्ट अउ सुपर कम्पोस्ट के उपयोग सुरू करे के सकारात्मक परिणाम आगू आये हावयं अउ छत्तीसगढ़ ऑर्गेनिक अउ रिजनरेटिव खेती तनि आगू बढ़ हावय। इही रकम ले कृषि म जहरीला रसायन के उपयोग के विकल्प के रूप म गोमूत्र के उपयोग के अपार संभावना हावयं। राज्य के ही कुछ ठऊर मन म गोमूत्र के सफलतापूर्वक उपयोग के उदाहरण मौजूद हावय।