बलौदाबाजार म सुकन्या समृद्धि योजना बर बिसेस शिविर

सुकन्या समृद्धि योजना

अंजोर.बलौदाबाजार,9 फरवरी। नोनी मन के सुखद भविष्य के खातिर जिला मुख्यालय डाक विभाग डहर ले सुकन्या समृद्धि योजना के खाते खोले जाये बर बिसेस शिविर के आयोजन करे जात हावय। ये शिविर 8 ले लेके 12 फरवरी तक आयोजित होही। जेमा सुकन्या समृद्धि योजना के संग ही,आधार कारड म मोबाईल नम्बर अपडेशन,पांच साल तक के लइका के आधार इनरोलमेंट,दो अउ चार पहिया गाड़ी के बीमा हेल्थ इनशोरेंस ले संबंधित तको बुता होही। शहर वासी अउ ग्रामीण क्षेत्र के सबो पालक जेकर इहां नोनी मन के सुकन्या समृद्धि योजना के खाता नइ खुले हावय वो सबो सरकार के ए जरूरी योजना के लाभ लेके लइका के भविष्य के सुरक्षा सुनिश्चित सकत हावय। ए संबंध म डाकपाल बलौदाबाजार ह बताइन के खाता खोले जाये बर नोनी के जनम प्रमाण पाती अउ पालक के आधार अउ पेन कारड अउ तीन फोटो के जरूरत  होही।