आदिवासी कला-संस्कृति के प्रदर्शन के संग ट्रांसजेंन्डर्स रैम्प वॉक

ट्रांसजेंन्डर्स रैम्प वॉक

अंजोर.रायपुर, 14 फरवरी। तृतीय लिंग के मनखे मन (ट्रांसजेंडर्स) के प्रति समाज म सकारात्मक वातावरण बनाये अउ जागरूकता लाने नक्सल प्रभावित वनांचल बस्तर संभाग म अनूठा फैशन शो आयोजित करि । समाज कल्याण विभाग डहर ले चेतना फाउंडेशन के सहयोग ले जगदलपुर के आर्ट गैलरी म सनिच्चर संझा आयोजित ए कार्यक्रम म कांकेर, कोण्डागांव अउ बस्तर के 32 ट्रांसजेंडर्स सामिल होए। ओमन बस्तर के संस्कृति, परिधान अउ आभूषण के प्रदर्शित करत उत्साह ले रैम्प वॉक करिन। ए मउका म ट्रांसजेंडर्स ह सांस्कृतिक कार्यक्रम तको प्रस्तुत करिन। आयोजन ह समाज ले कटे रेहे वाला किन्नर समाज के लोगन से घुले-मिले अउ समावेशित होए के अच्छा मउका दे हावय।   

समाज कल्याण विभाग के उपसंचालक सुश्री वैशाली मरड़वार ह बताइन के तृतीय लिंग के मनखे मन के खुद के समाज के हिस्सा समझना जरूरी हावय। समाज के हिस्सा बनाये के खातिर ओला एक बड़ा प्लेटफार्म देना जरूरी रिहिस, इही सेती विभाग ह उंकर खातिर कार्यक्रम के आयोजन करिन। कार्यक्रम के माध्यम ले लोगन म किन्नर समाज के लेके जागरूकता आही। ओमन बताइन के मुख्यमंत्री भूपेश बघेल ह गणतंत्र दिवस के मउका म आदिवासी संस्कृति के संरक्षण के खातिर कलागुड़ी के उद्घाटन करे रिहिस। इहां ढोकरा, बेल मेटल, टेराकोटा, काष्ठ के आने-आने शिल्प के प्रदर्शित करिन। फैशन शो म ट्रांसजेंडर्स ह कलागुड़ी के आभूषण अउ परिधान के माध्यम ले आदिवासी कला अउ संस्कृति ल बढ़ाये के काम तको करिन।