महासमुंद म राष्ट्रीय स्वास्थ्य मिसन ले संविदा भरती

अंजोर.महासमुंद 02 फरवरी। राष्ट्रीय स्वास्थ्य मिसन ले जिला म आने-आने संविदा खाली पद म नियुक्ति के खातिर भरती के कार्रवाई प्रक्रियाधीन हावय। मुख्य चिकित्सा अउ स्वास्थ्य अधिकारी ले मिले जानकारी मुताबिक भरती प्रक्रिया के तहत 01 नवम्बर 2021 तक दावा आपत्ति आवेदन आमंत्रित करे गे रिहिस। येकर बाद नियमानुसार कार्रवाई करत सबो पद के दावा आपत्ति निराकरण सूची, आखरी मेरिट सूची, अपात्र सूची, चयन सूची अउ प्रतीक्षा सूची जारी करिन। 

ओमन बताइन के भरती प्रक्रिया के तहत संविदा पद ब्लॉक मैनेजर एकाउंट के खातिर कौसल परीक्षा अउ सिक्योरिटी गार्ड पद बर शारीरिक नापजोख के खातिर उम्मीदवार मन के सूची जारी कर दे गे हावय अउ कौसल परीक्षा अउ शारीरिक नापजोख के खातिर तिथि अउ ठऊर  के सूचना अलग ले जारी करे जाही। उम्मीदवार मन के अवलोकन के खातिर सबो सूची अउ सूचना जिला के वेबसाईट www.mahasamund.gov.in म अपलोड कर द गे हावय अउ कार्यालय के सूचना पटल म तको चस्पा दे गे हावय।