अंजोर.रायगढ़, 2 फरवरी। खरसिया पुलिस डहर ले धोखाधड़ी के योजना बनाके बैंक ले निकाले गे कर्मचारी अउ अपराध म उंकर सहयोगी ल गिरफ्तार करके धोखाधड़ी के मामला म जेल भेजे गिस। मिले आरो के मुताबिक आरोपी मन निश्चिंत रिहिस के वो पकड़े ही नइ जावें फेर जुआ के लत ह ओला जेल म ढकेल दीस। पुलिस के बताती मामला गांव ओड़केला, थाना डभरा जिला जांजगीर-चांपा निवासी घसिया राठिया स्व. इतवार सिह (58 साल) डहर ले पुलिस चौकी खरसिया म आवेदन देके रिपोर्ट दर्ज कराये गे रिहिस। आईडीएफसी बैंक खरसिया म उंकर बैंक खाता हावय ले अज्ञात आरोपी मन डहर ले 26 फरवरी ले 01 मार्च 2021 तक अउ 12 ले 14 फरवरी तक आनलाईन टांजेक्शन करके खाता ले 6 लाख 80 हजार रूपिया निकल लिस। पीड़ित के आवेदन म अज्ञात आरोपी मन खातिर थाना खरसिया (चौकी खरसिया) म अप.क्र. 191/2021 धारा 420 IPC के अपराध पंजीबद्ध करके विवेचना म लिस।
साइबर क्राईम के मामला म वरिष्ठ अधिकारी मन ले दिशा निर्देशन मिल करके चौकी प्रभारी खरसिया उप निरीक्षक नंद किशोर गौतम डहर ले साइबर सेल ले ऑनलाइन ट्रांजेक्शन के जानकारी लिस जेमा जैजेपुर क्षेत्र ले ट्रांजेक्शन के जानकारी होइस। चौकी प्रभारी डहर ले जैजेपुर, डभरा, जांजगीर क्षेत्र म अपन मुखबीर ल सक्रिय करके निर्देशित करिन, जेमे जैजेपुर के लाकेश्वर चंद्रा जेन कुछ करे नइ वोहा जुआ म काफी रकम हारे हावय, तब चौकी प्रभारी डहर ले जैजेपुर के अपन स्टाफ के संग दबिश देके संदेही लाकेश्वर चन्द्रा ल हिरासत म लेके चौकी लाइस अउ पूछताछ करे म अपन गांव के शिव कुमार साहू ले मिलके गांव ओडेकेरा के ग्रामीण ले धोखाधड़ी करना बताइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।