 |
| Balodabazar Police |
अंजोर.बलौदाबाजार,2 फरवरी। बलौदाबाजार पुलिस ह मोटरसाइकिल चोर गिरोह के पर्दाफाश करे हावय। मिले आरो के मुताबिक पुलिस ह गिरोह के 02 सदस्य ल तको गिरफ्तार करे हावय, बताये जाथे के दूनो जीजा-साला रिस्तेदार हावय। दूनों के जोड़ी मिलके केऊ दिन ले सरलग इही मोटरसाइकिल के चोरी के बुता कराय अउ 26 गाड़ी ल चोरा के सकेले रिहिस।
चोरहा मन गाड़ी चोराये के बाद गांव-गांव म गाड़ी ले बेचे के खातिर खुद ल फाइनेंस कंपनी के कर्मचारी बताके गांव वाले मन तिर चोरी के मोटरसाइकिल ल बेचे के काम करय। पुलिस दोनों चोरहा मन तिर ले कुल 26 मोटरसाइकिल बरामद करे हावय। प्रधान आरक्षक अरशद खान, आरक्षक यशवंत यादव अउ संतोष कोसले मनके टीम ये गिरोह के पर्दाफाश करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।