महासमुंद के पटेवा म आदिवासी कन्या छात्रावास म जबर दुर्घटना, पिता ल मिलिस बीमा राशि

पटेवा म आदिवासी कन्या छात्रावास

अंजोर.महासमुंद 2 फ़रवरी। महासमुंद जिला के पटेवा प्री मेट्रिक आदिवासी कन्या छात्रावास म होए दुर्घटना म मृतक छात्रा किरण दीवान क़े पिता मनहरण दीवान के पढ़ईया सुरक्षा बीमा योजना क़े तहत मंगलवार के एक लाख के बीमा रकम दिये गिस। कलेक्टर के निर्देस म नायब तहसीलदार ह आरटीजीएस क़े माध्यम ले सौंपीस।

जानबा होवय के छात्रावास म होए दुर्घटना म छात्रा के दुःखद मृत्यु  26 जनवरी के राष्ट्रीय झंडा उतारत बखत करंट लगे ले होए रिहिस। उंकर परिवार ल पढ़ईया बीमा क्षतिपूर्ति के रूप म ये रकम प्रदाय करे गिस हावय। कलेक्टर ह उही दिन छात्रावास के  अधीक्षिका ल तुरते कर्तव्य म लापरवाही बरते के सेती तुरते प्रभाव ले निलंबित कर दे रिहिस।