रेडियो हमर जुन्ना अउ विश्वासी संचार माध्यम आए : मुख्यमंत्री श्री बघेल

अंजोर.रायपुर, 12 फरवरी। मुख्यमंत्री भूपेश बघेल ह 13 फरवरी के विश्व रेडियो दिवस के मउका म जारी अपन संदेश म किहिन हावय के रेडियो हमर जुन्ना विश्वसनीय संचार माध्यम आए। ये दूर-दराज ठऊर मन तक सूचना प्रवाह म जरूरी भूमिका निभात हावय। ओमन किहिन हावय के लोकतंत्र म संवाद होना अउ संवाद के खातिर सक्षम माध्यम के होना अति जरूरी हावय। 'रेडियो' संवाद के एक सशक्त माध्यम बनके उभरे हावय। आज विश्व रेडियो दिवस के मउका म हम रेडियो के योगदान ल सलाम करत हावन। श्री बघेल ह किहिन हावय के आमजन ले रू-ब-रू होए के खातिर चलाए जाम 'लोकवाणी' जइसे कार्यक्रम रेडियो के सेती ही संभव हो सके हावय।