गिरौदपुरी मेला म सामिल होइन मुख्यमंत्री श्री भूपेश बघेल

अंजोर.रायपुर, 07 मार्च। गुरु गद्दी अउ जैतखाम के पूजा करके प्रदेसवासी के ख़ुशहाली अउ समृद्धि के कामना करिस मुख्यमंत्री भूपेश बघेल। बाबा गुरु घासीदास के जन्मभूमि अउ तपोभूमि गिरौदपुरी धाम म आयोजित गुरुदर्शन मेला म सामिल होए खातिर मुख्यमंत्री श्री भूपेश बघेल गिरौदपुरी आइन। ये मउका म मंत्री गुरु रूद्रकुमार ह जैतखाम म सफेद पालो चढ़ाइन।

बाबा गुरु घासीदास जन्मभूमि - तपोभूमि गिरौदपुरी धाम

बाबा गुरु घासीदास के जन्मभूमि अउ तपोभूमि गिरौदपुरी धाम म आयोजित गुरुदर्शन मेला म मुख्यममंत्री ह गुरु गद्दी अउ जैतखाम के पूजा-अर्चना करके नमन करिन अउ छत्तीसगढ़वासी के खुसयाली अउ तरक्की के खातिर कामना करिस। मुख्यमंत्री ह ए मउका म गिरौदपुरी मेला आयोजन समिति के अध्यक्ष अउ गुरु गद्दीनशीन विजय गुरु ले तको गुरु निवास म मुलाकात करिस अउ उंकर आशीर्वाद लिस। तीन दिवसीय गुरुदर्शन मेला के आज पहिली दिन हावय। ये मेला 09 मार्च तक चलही। ए मउका म नगरीय प्रशासन अउ विकास मंत्री डॉ. शिवकुमार डहरिया, कलेक्टर डोमन सिंह, एसपी दीपक झा सहित बड़ संख्या म राजमहंत, संत अउ दरस करइया उपस्थित रिहिस।