अंजोर.बलौदाबाजार,28 मार्च। जिला के लवन जवाहर नवोदय स्कूल के कक्षा 9 वीं म प्रवेश बर चयन परीक्षा 9 अप्रैल के आयोजित होही। परीक्षा के समय बिहनिया 10.30 बजे ले 2 बजे तक करार हावय। ए परीक्षा बर प्रवेश पत्र वेबसाइट ले डाउनलोड करे जा सकत हावय। सबो आवेदन करइया अपन प्रवेश पत्र 2 प्रति म डाउनलोड करें। काबर के 1 प्रति परीक्षा केन्द्र म जमा कर ले जाही। प्रवेश पत्र म कोनो तको रकम ले गलती होए म जवाहर नवोदय विद्यालय,लवन म सम्पर्क कर सकत हावय। आवेदन करइया परीक्षा केन्द्र म अपन संग सेनेटाइजर बोतल जइसे आन सामान संग लावें अउ मास्क लगाना अनिवार्य हावय। आवेदन करइया परीक्षा के बखत कोविड 19 के निर्देश अउ सामाजिक दूरी के पालन करें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।