अंजोर.महासमुंद,30 मार्च। आदिवासी विकास विभाग के सहायक आयुक्त ह बताइन के पं. जवाहर लाल नेहरू उत्कर्ष योजना ले साल 2022-23 म कक्षा 6वीं म प्रवेश के खातिर 27 मार्च के चयन परीक्षा आयोजित करे गिस। परीक्षा म सामिल पढ़ईया मनके उत्तर पुस्तिका के मूल्यांकन पाछु प्राप्तांक के सूची कार्यालय सहायक आयुक्त आदिवासी विकास महासमुंद म अवलोकन करे जा सकत हाबे। कोनो रकम ले त्रुटि या कमी पाई जाये म अपन दावा-आपत्ति 31 मार्च 2022 तक कार्यालयीन बखत म प्रस्तुत कर सकत हावय। नियत तिथि पाछु प्रस्तुत दावा-आपत्ति मान्य नइ करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।