भक्त माता कर्मा के रद्दा म चलके समाज ल जोड़े अउ सामाजिक विषमता ल दूरिहा करे के जरूरत : मुख्यमंत्री श्री भूपेश बघेल

अंजोर.रायपुर, 27 मार्च। मुख्यमंत्री भूपेश बघेल ह आज भक्तिन दाई कर्मा जयंती के पहिली संझा म राजधानी रायपुर के कृष्णा नगर स्थित कर्मा धाम म आयोजित जयंती समारोह के सम्बोधित करत किहिन के संगठन अउ समर्पण म ही शक्ति हावय। ओमन भक्तिन महतारी कर्मा के रद्दा म चलके सामाजिक संगठन के अउ जादा मजबूत बनाये, समाज ल जोड़े अउ सामाजिक विषमता ल दूरिहा करे खातिर बुता करे के आव्हान कार्यक्रम म करिन। मुख्यमंत्री ह येकर पहिली कर्मा धाम म भगत महतारी कर्मा मंदिर म पूजा-अर्चना करके प्रदेस के सुख-समृद्धि अउ खुसयाली के कामना करिस। ए मउका म ओमन महतारी कर्मा धाम म बनले वाला ऑडिटोरियम के भूमि पूजन अउ शिलान्यास करिन अउ परिसर म रुद्राक्ष के पौधा तको लगाइन।

भक्तिन दाई कर्मा जयंती

छत्तीसगढ़ के गांव-गांव म बड़े श्रद्धा अउ उत्साह के संग भक्ति दाई कर्मा जयंती के आयोजन करे जाथे। हालांकि ए समारोह के आयोजन साहू समाज डहर ले करे जाथे, फेर गांव के सबो समाज के लोगन एमे बढ़-चढ़कर हिस्सा लेवत हावयं। 

भगवान जगन्नाथ के भोग के रूप म खिचड़ी के प्रसाद 

छत्तीसगढ़ म जयंती समारोह के बखत गांव म कलश यात्रा अउ शोभा यात्रा निकाले के तको परंपरा हावय। येकर माध्यम ले मां कर्मा, भगवान श्रीकृष्ण अउ बलभद्र के स्मरण करत हावयं। भगवान जगन्नाथ के भोग के रूप म खिचड़ी के प्रसाद तको बांटे जाथे।