अंजोर.अम्बिकापुर,13 मार्च। तीन दिवसीय मैनपाट महोत्सव के समापन 13 मार्च के नामचीन कलाकार मन के मनमोहक प्रस्तुति के संग होइस। पद्मश्री श्री अनुज शर्मा ह छत्तीसगढ़ी गीत देखइया ल बांधे रखे उहें बॉलीवुड सिंगर विनोद राठौर अउ अंकित तिवारी ह तको खूब रंग जमाइस।
समापन मउका म उत्कृष्ट शैला दल, बबीता विश्वास अउ संगी, मनप्रीत सिंह अउ संगी, संजय सुरीला, स्तुति जायसवाल, शिव झांकी के प्रस्तुति, शॉल सेकर्स डांस एण्ड स्पार्क डांस ग्रुप अउ नासिर निन्दर एंड ग्रुप के डहर ले शानदार प्रस्तुति दीस। मैनपाट महोत्सव म ए बार पर्यटक ह पहिली बार कुश्ती प्रतियोगिता देखे के तको आनंद लिस। येकर संग ही तीन दिन तक एडवेंचर स्पोर्ट्स, बोटिंग, पैरासेलिंग अउ मेला के खूब लुत्फ उठाइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।