ग्रामीण अर्थव्यवस्था ल मजबूती देवत गउठान : मुख्यमंत्री श्री भूपेश बघेल

अंजोर.रायपुर, 20 मार्च। मोपका कॉलेज के नामकरण स्वर्गीय रामनाथ वर्मा अउ गांव तिल्दाबांधा म पेयजल के खातिर अकताहा बेवस्था के घोसना मुख्यमंत्री करत बलौदाबाजार म आयोजित मनवा कुर्मी क्षत्रिय समाज के सम्मेलन म मुख्यमंत्री श्री भूपेश बघेल ह किहिन के ग्रामीण अर्थव्यवस्था ल मजबूती दे म गउठान के जरूरी भूमिका हावय। ओमन किहिन के गउठान के ग्रामीण आजीविका के केन्द्र के रूप म विकसित करे जात हावय। छत्तीसगढ़ के कृषि प्रधान अर्थव्यवस्था के मुताबिक राज्य के अन्नदाता मनके आर्थिक स्थिति ल मजबूत करत आने-आने योजना क्रियान्वित करे जात हावय। 

श्री बघेल आज बलौदाबाजार-भाटापारा के जिला मुख्यालय म आयोजित बलौदाबाजार राज कुर्मी क्षत्रिय समाज के अधिवेशन म के सम्बोधित करत रिहिस। ओमन ए मउका म मोपका कॉलेज के नामकरण स्वर्गीय रामनाथ वर्मा के नाम म करे अउ गांव तिल्दाबांधा म पेयजल के खातिर अकताहा बेवस्था घोसना करिस। कार्यक्रम म ओमन 23 प्रतिभाशाली पढ़ईया मन ल समाज तनि ले सम्मानित तको करिन। ए बखत ओमन पुष्पा वर्मा डहर ले लिखित चित्रोत्पला प्रेमदीप पुस्तक के तको विमोचन करिन। 

ए मउका म नगरीय प्रशासन मंत्री डॉ. शिव कुमार डहरिया, राज्यसभा सांसद श्रीमती छाया वर्मा, संसदीय सचिव अउ विधायक चंद्रदेव राय, शकुन्तला साहू, जिला पंचायत अध्यक्ष राकेश वर्मा,पाठ्य पुस्तक निगम अध्यक्ष शैलेष नितिन त्रिवेदी, छत्तीसगढ़ राज्य खनिज विकास निगम के अध्यक्ष गिरिश देवांगन, पूर्व विधायक जनकराम वर्मा सहित बड़ संख्या म ग्रामीण अउ कुर्मी समाज के राजप्रधान अउ पदाधिकारी अउ सामाजिक कार्यकर्ता मौजूद रिहिस।